Burri në burg, nënë e tre fëmijëve të mitur, flinin gjumë kur ndodhi krimi (FOTO)

Por policia tha se viktima që u vra në banesën e saj në lagjen numër dy në Kavajë, kishte pasur një lidhje dashurie me 30 vjeçaren, por që ishte ndërprerë pak javë më parë dhe Dritan Haxholli, për arsye xhelozie kishte shkuar mbrëmë në shtëpinë e saj dhe aty pasi u përball me policin Bledar Toci, e ka qëlluar këtë të fundit me armë. Toci kishte shkuar në ndihmë të vajzës, e thirrur nga kjo e fundit, por që me armën e shërbimit, pasi u plagos, në kushtet e vetëmbrojtjes ka qëlluar Haxhollin dhe e ka lënë të vdekur.

Në banesën e Marsida Qatja, në momentin kur ndodhi krimi kanë qenë edhe 3 fëmijët e saj të mitur, por që fatmirësisht nuk janë lënduar, pasi kanë qenë në gjumë.

“BW” shkruan se Haxholli ka hyrë nga dritarja e ballkonit në banesë e ka qëlluar me kallashnikov drejt Bledar Toçit.

30-vjeçarja Marsida Qatja, e cila u bë ‘mollë’ sherri për krimin që ndodhi gjatë natës, ku mbeti i vrarë një person dhe u plagos një tjetër, ka qenë nën hetim nga prokuroria e Kavajës për mashtrim. Gazetarja Klodiana Lala raporton për ‘Balkanweb’ se motra e saj ka agjenci turistike dhe Marsida akuzohet se shiste bileta fiktive. Lala tha se prokuroria ka dyshime se nëna e 3 fëmijëve ka përfituar dhjetra miliona lekë nga biletat, duke mashtruar kështu shumë qyetarë.