Vdes ish-presidenti i Francës që i doli në ndihmë Kosovës

Ka ndërruar jetë ish-presidenti i Francës, Jacques Chirac, në moshën 86-vjeçare, shkruan BBC, transmeton Gazeta Express.

Jacques Chirac shërbeu si president francez për dy mandate. Një nga reformat e tij kryesore politike ishte shkurtimi i mandatit presidencial nga shtatë në pesë vjet.

Chirac ishte njëri nga liderët e rëndësishëm botëror që denoncoi barbarinë serbe kundër kosovarëve në vitin 1999 dhe u rreshtua përkrah shteteve të NATO-s për ta bombarduar Serbinë.