Sherifi: PDK ofertën e parë për bashkëqeverisje do t’ia bënte LDK’së

Bilall Sherifi nga Nisma Social Demokrate është i bindur se PDK ofertën e parë për bërjen e Qeverisë do t’ia bënte LDK’së, transmeton Periskopi.

Sherifi sonte në DPD ka thënë se nuk e di nëse do të pranonte LDK, por një gjë e tillë nuk përjashtohet duke parë të kaluarën e tyre.

‘‘PDK do t’ia bënte ofertën e parë për të bashkëqeverisur LDK’së. Tash a do ta pranonte LDK, apo jo, nuk e di. Një gjë dihet, se as dy partitë më të mëdha bashkë nuk do të mund ta formonin vetë Qeverinë, i duhet edhe ndonjë parti tjetër’’, ka thënë Sherifi.

‘’Nisma nëse veç del e para si koalicion me AKR’në, do t’i ftonte të gjitha partitë për bisedime, dhe të shohim me kë dota formonim Qeverinë’’, tha ai./PERISKOPI/