Sa para ka shpenzuar Maqedonia për zjarret që ndodhën?

Nga 129 zjarre të regjistruara gjatë vitit 2018 është shkaktuar dëm prej 69 milionë denarë apo rreth 1.15 milionë euro. Kjo shifër është e vogël nëse krahason me vitin e kaluar kur vendi ishte në minus prej 32 milionë euro.

Zjarret e vjetshme kanë përfshirë rreth 2.800 hektarë ndërsa gjatë vitit 2017 zjarri përfshi 13.300 hektarë në 364 zjarre, përcjell Telegrafi Maqedoni.

Shpenzimet për shuarjen e zjarrit kanë qenë 2.3 milionë denarë. Nga numri i përgjithshëm i zjarreve, pjesa më e madhe, apo gjithsej 80 ndodhën në pyll ndërsa pjesa tjetër jashtë.

Ndërmarrje Publike ‘Pyjet Nacionale’ njofton të hyrat nga pagesa e dëmeve në pyje është 27.3 milionë denarë, ndërsa të ardhurat nga shitja e drunjve të konfiskuar janë 24 milionë denarë.