Rrëfimi i padëgjuar/ Blendi Fevziu flet për eksperiencën si pedagog, tregon anën e errët të auditoreve

Mbrëmjen e djeshme, gazetari dhe moderatori i emisionit “Opinion”, Blendi Fevziu ka rrëfyer edhe eksperiencën e tij si pedagog, punë nga e cila hoqi dorë që ditën e parë.

Shoesh në media dhe në rrjetet sociale denoncohen rastet e korrupsionit në universitete, por Fevziu mbrëmë ka treguar një tjetër anë të errët të medalies.

Gazetari Fevziu tha kishte pranuar me qejf kërkesën për të dhënë një lëndë në gazetari, por ditën e parë të punës nga 40 studentë që kishte grupi, ai kishte gjetur në klasë vetëm 6 veta.

Për këtë arsye, ai kishte vendosur ta braktisë këtë punë, teksa tha se nuk kishte kohë të humbiste gjithë pasditen duke u përgatitur për 6 veta.

“Se s’dua ta përmend, se nuk e kam thënë kurrë. Para rreth 15 vitesh, më thirrën tek gazetaria për të dhënë një lëndë. E mora me qejf dhe thashë po jap një semestër. Shkova pasi nuk lashë gjë pa përmbysur një ditë para, megjithëse isha shumë i zënë, me shumë emocion se mbaj mend pedagogët. Kur shkova, nga 40 e sa studentë që kishte grupi gjeta vetëm 6 veta në klasë. Mora regjistrin, i thashë faleminderit atij që më thirri, unë s’vij më as në sezon e asgjë. Tani të humb unë të gjithë pasditen, të përgatitem për të dhënë një leksion dhe të gjej 6 veta në sallë? E lashë po të them që atë ditë. Që atë ditë, siç e mora regjistrin, shkova dhe e lashë. Kur studenti nuk do të vijë, kisha 40 e sa për të ardhur në klasë dhe vetëm 6 veta, që ishin ulur 2 këtu e 2 atje.”-tha Fevziu./ CNA.al