Connect with us

Lajme

Momenti kur tërmeti godet Tiranën gjatë mbledhjes së Qeverisë

Publikuar

para 7

më

Pas tërmetit shkatërrimtar 5.8 ballë të shkallës Rihter, që goditi Shqipërinë të shtunën, rreth orës 16:05 të pasdites, kryeministri Edi Rama thirri mesnatën e kaluar në një mbledhje urgjente qeverinë.

Edhe gjatë mbledhjes së qeverisë në orët e mesnatës, lëkundjet e tërmetit vijonin të godisnin vendin. Një lëkundje e fortë, 5 ballë, është shënuar pikërisht teksa po zhvillohej live mbledhja e qeverisë.

Ka qenë ministri i Brendshëm, Sandër Lleshaj, i cili po raportonte mbi masat policore ndaj pasojave të tërmetit, kur ka thënë se “po përpiqem mos më lëkundet zëri mua, se godina po lëkundet”.

Kryeministri Edi Rama u kthye nga Gjermania sapo ndodhi ngjarja.

“Një mirënjohje e thellë për bluzat e bardha për punën e bërë. Edhe pse isha larg, kam marrë në kohë reale çdo informacion, kjo edhe falë grupeve të whatsappit”, tha kryeministri i vendi.

“Fatmirësisht nuk ka asnjë viktimë dhe kjo është një arsye për të marrë frymë në mënyrë të lehtësuar. Ka pasur persona të plagosur dhe ata kanë marrë ndihmë mjekësore, urojmë që të gjithëve shërim të shpejtë.

Do të jemi me kapacitet të plotë. Dua të falënderoj jo formalisht, të gjithë trupën e bluzave të bardha dhe të gjithë trupën e kujdesit shëndetësor për organizmin e mirë për gjatë gjithë orëve pas ngjarjes”, tha Rama.

Tërmet live në mbledhje të qeverisë

Tiranë: Qeveria po zhvillonte një mbledhje live në mesnatë, kur një lëkundje tjetër e fortë tërmeti goditi kryeqytetin. “Godina po lëkundet” – tha ministri i brendshëm, Sandër Lleshaj, ndërsa po raportonte mbi masat policore ndaj pasojave të tërmetit të drekës. Mediat vendase raportuan se edhe ndërtesa e kryeministrisë ka marrë plasaritje të dukshme në një nga muret e jashtme prej tërmetit.

Gepostet von VOA – Zëri i Amerikës am Samstag, 21. September 2019

Etiketimet:
Advertisement

NA NDIQ NË FACEBOOK