Kurti qesharak: Për vetëm një muaj i humbin 200 milionë euro (Video)

Albin Kurti, kryetari i Vetëvendosjes dhe kandidati për kryeministër, në invervistën e sotme në Debat Plus të RTV Dukagjinit premtoi 400 milionë euro për Forcën e Sigurisë së Kosovës.

Por ekziston një problem.

Ai në bisedën e drejtpërdrejtë me qytetarë më 22 gusht kishte premtuar 600 milionë duke bërë kësisoj një huqje tepër të madhe për një kandidat që mësyn pozitën më të lartë shtetërore.

Kurti në bisedën e 22 gushtit që u transmetua drejtpërdrejtë në Facebook deklaroi se 60 milionë euro në vit ishin pak për Ushtrinë e Kosovës.

Ai tha që do t’i ndante jo më pak se 150 milionë euro për ushtrinë e shtetit tonë, që nënkupton 600 milionë euro për mandatin katër vjeçar. Por, ai e pakësoi ‘buxhetin’ për 200 milionë euro për ushtrinë e Kosovës.

Në një postim në Twitter e më vonë edhe në intervistë, ai deklaroi se do t’i ndante nga 100 milionë euro në vit ose gjithsej 400 milionë për katër vitet e ardhshme, shkruan Periskopi.

#Kosova cannot stand idly by while neighbors invest billions in military hardware. Together with our allies we must develop our capabilities to stand on our own. We will invest 400 million euros in our army for the next 4 years and pursue #NATO membership to secure peace.

— Albin Kurti (@albinkurti) September 22, 2019

Një shkarje e tillë brenda vetëm një muaji tregon se plani i Vetëvendosjes për qeverisjen është tepër joserioz. Shifra për të cilën po flasim është tepër e lartë, 200 milionë, e të cilat zhduken nga një fjalë e vetme goje.

Shpërdorimi me paranë publike ka qenë një problem i madh me qeveritë e deritashme, por i cili rridhte konkretisht nga mungesa e planifikimit afatgjatë.

Kurti ka premtuar rritje të madhe të buxhetit edhe për sektorë të tjerë, duke përmendur specifikisht atë të drejtësisë, mirëpo pa treguar se cilët sektorë do ta pësojnë nga këto lëvizje të rrezikshme buxhetore.

Buxheti i Kosovës aktualisht është 1,9 miliardë euro. /Periskopi/