Guardiola e di se Man City nuk guxon të humb pikë në garën për titull

Liverpool ka vendosur standard të lartë në këtë fillim sezoni në Premierligë, duke marrë pikët maksimale nga shtatë ndeshjet e para.

Man City qëndron me pesë pikë më pak, por dje e ka parë vetën edhe me minus tetë pikë, kur Liverpool fitoi ndaj Sheffield.

Guardiola ishte në dijeni për fitoren e ‘Reds’ dhe e dinte se skuadra nuk ka luksin që të lëshojë pikë në këtë garë të nxehtë.

“E dinim se Liverpool fitoi përsëri dhe hapësira prej tetë pikëve është e madhe” ka thënë Guardiola, transmeton lajmi.net.

“Kështu, ne fituam tri pikë dhe tani jemi me pesë pikë diferencë në shtator, me shumë pikë të mbetura në lojë” ka thënë spanjolli.

“Tani e njohim rivalin. Janë kampionët e Evropës, kanë shtatë fitore radhazi. Ky është rivali ynë – nuk guxojmë të lëshojmë shumë pikë, pasi ata humbën vetëm një lojë sezonin e kaluar” ka thënë ndër të tjerash Pep.

Aktualisht, Liverpool numëron 21 pikë në shtatë ndeshje, në pozitën e parë, kurse Manchester City ka 16 pikë në pozitën e dytë. /Lajmi.net/