Gjykata jep vendimin për Saimir Tahirin: Fajtor! Por nuk do të shkojë në burg

Pas një maratone të gjatë, Gjykata e Krimeve të Rënda ka shpallur rreth orës 21.50 të së enjtes vendimin për ish-ministrin e Brendshëm, Saimir Tahiri. Treshja e gjykatësve e ka shpallur fajtor duke e dënuar fillimisht me 5 vjet burg politikanin 39 vjeçar vetëm për “shpërdorim detyre”.

Por ai nuk do të shkoje në burg, pasi vepra është rikualifikuar dhe do te punoje 3 vjet ne sherbim prove  ne komunitet. Mesohet se kane rene te gjitha akuzat per “trafik droge” dhe “bashkëpunim në grup të strukturuar kriminal” dhe do të dënohet vetëm për “shpërdorim detyre”.

Siç shkruan Lapsi, Tahirit i është ndaluar të ushtrojë funksione publike për 5 vjet.

Për verdiktin, trupi gjykues ishte terhequr per vendim që prej orës 13:00. Procesi u ndoq nga afër edhe nga përfaqësues të ambasadës amerikane.

Vendimi për Tahirin u mor nga Flora Hajredinaj (foto), kryesuesja e trupës së gjyqtarëve, e cila ka në shqyrtim dhe dosjen ndaj Klement Balilit.

Ajo pati në trupin gjykues Irena Gjokën,  e njohur në karrierën e saj për dënimin e përjetshëm të dhëne për Dritan Dajtin, dhe gjykatësin Ardit Mustafaj, i cili ka në shqyrtim dhe dosjen ndaj Klement Balilit, njofton Klan Kosova.